Quand ca ieru


Quand ca jera 'ncò gugnin
la bundansa l'èra 'd cà.
L'era 'd moda Valentin:
braghi cürti invern - istà
e sal darè l'espusisiun
d'ogni sorta ad rapussun.

L'èra 'ncò püssè che 'n seugn
quand par streina a riveva
'n para 'd soculi ad leugn.
E la Mama am dijeva:
strasij nutt (an po' sutt vòs).
Sadanò ad vai dascôs.

Passu j'agn e 'l temp al vola.
L'è crassù al neust gugnin,
l'è rivà ai temp dla scola
cun guleut e scussalin.
Sansa fèe tanti rateli
l'è stacassi dal pateli.

Al maestru l'èra v'un
da la prima fin la quinta
e al gheva par ugnun
sempri la sua giusta spinta.
E se 'l gugnin gheva baseugn
la " bacheutta" l'èra 'n susteugn.


Fòo dla scola, dricc a cà.
Par marenda barguleutti
e 'n po' 'd lacc peina scaudà.
E, si ghèru, dui feutti
da pulenta beli spüra
cuntra 'l mal dla faniüra.

Cun an bucca 'ncò 'l bucun
via da corsa a fèe fitness
cun a spala al rasun:
prupiu cume i fan adess:
trekkin-- spinning e giù da lì:
una nova tücc i dì

Creuss ancò al neust gugnin
a Varal al và stüdièe;
e anveci dal pullmin
'gh tucca meutsi pedalèe.
Cun al bell, na tarlandina;
sa piuveva, la mantlina.

'Ntì vacansi a dl'istà
sramüsc-cjeva 'n quaich lireutta.
e sal fen peina muggjà
i giughevu fessi gheutta.
Risultatu; a la fin
an gratevu i gadulin…

Strai e piassi dal pais
jeru tütti caratai
e bastevu quat amis
par fèe 'n séma quat balai.
Sut al ciel lüsent da steli
tütti 'l matti jeru beli.

L'èra vita pussè düra
e la droga anloo permessa
l'èra n po' 'd pulenta püra
e lacc-- bur par côri 'n pressa.
E l'effet?.. .Straurdinariu !
..an brüsiva 'l tafanariu !

CuI gugnin dess l'è crassù
e 'l gà quasi sessant'agn,
peunni grisi chi van giù
pensa già al temp dlu scagn,
dal bastun, dla compagnia
sa' l Padrun lu cjama mia.


Vitun.
Primo Vittone
(Locarno)