Tecnulugia

Par mia stée 'ndrè 'ntlà cursa dal prugrèss
son pansà d'ampignemi par capì
cum'è ch'al funsiunassa col accèss
a l'internet e ai robi giù da lì.

Cola tastiera cumandà a butoi,
col rat ch'an guà minée avanti e 'ndrè
j'in stacc i prumi mei disperassioi,
i gh'l'evu ma cun mì, chi sà parchè.

Tra mi e 'l computer, ma dl'antipatia,
alura son circà, l'auta matin,
da cumancée 'n raport ad simpatia
cun 'n'aut strument: al telefunin.

Ma par lègi la lista d'istrussioi
l'é gnumi 'l mal da testa tut al dì;
ancha li gh'è la storia di butoi,
tra schicia e smorsa son 'ncù mia capì

'm 'è s fa telefunée a 'na parson-a
an mes ad tanta gent o su 'na stra;
quand che menu ti 't podi, lui al son-a
ti 't parli ad auta vuss, cunfusiunà.

Cun al registratur a smei cha vaga.
Sarà forsi 'l distin se 'n quai parchè
as buta sempri 'n mess: costa la paga
se mai son rijissua a registrée.

Son già capi che la tecnulugia
l'è mia par mi. Lassemi duparée
ma 'n fòi e 'na matita e 'nsì saria
bon-a da scrivi e ancha da pansée.

(Dialetto di Romagnano Sesia)

Nobile Maria Rita
(Romagnano Sesia)