Triangolo

Prope 'n piass nen la geometria,
specialmènt cui triangul discuntrà:
epüra i suma mì,tì e cela.
Cela, terss lato d'una figüra udiosa:
A guènta dì però la verità:
cela l'è püsse giovna e bèla:
però la larga da mì la stà.
Anssèma 'd curssa i'ndei 'nti post pü bèi
i'v divertisse sènssa penssè a mi
che mai i pudarö curive drè.
E 'nssi par tute i smane!
Ti e cela, che narvuss!
Cula lì! Vuraria s-ciapela,
deghe scarpai pöi campela via...
perché mi pèns da èsse püssè che cela,
ma sun pigra e lu farö mai
e suma sèmp me prima: che bèl lavor!
Però, disumlo ciar e nètt:
mì i diss ,i diss prope tant,
ma
sun anca 'na tuntulèta
a fè 'na rima par la mia nemisa:
la tua cara e presiösa bicicleta!

Donatella Brumana
(Serravalle Sesia)