Veggi storji

"Cünta sù quaicos d'alegru"
d'an Civareu im mandu dì,
l guaio l'è che mi d'alegru
i seu propiu nutt que di
salvuchè quai veggia diccia
già magari staccia scriccia

As pudria 'n po pruvée
na quaich storia d'iemigrant
o 'd chi gniva visitèe
la nosta Italia ogni tant
ma che peui antal parlée
is capivu mia tant

cume cull Franceson
che par visitée Milan
lè nà sü anciüma al Dom
e 'l fachin, valis an man,
sentì di "trejolì trejolì"
al valis l'ha tracc' giù lì

Cull milanes anveci
che née a Paris l'è vursù
e na sei al suvi "feci"
'l seva più nte lassée giù
lè scundüssi n po l'umbria
par pudei svaresi via

ma ntu culla 'n pulissiott
as meutt bragée "Parbleu"
mentre l'aut giù là da sott
al dis "No, lè minga bleu"
e l frances "C'est pas permis"
"So anche mi che l'è minga per lü
ma se l veul restà servi...."
Al ghè puei an Valsesian
ch'al ven cà dopu tent agn
a lu'ncuntra 'n seu paisan
"Ciau, t'ei rivà?" "Oui, avec la femme
e la petite" "Oh povru ti!
par fée fam t pudevi stée qui..."

E 'l fumbri a la stassiun
ch'i spacievu l seu Barbis
cun civera o cun rasun
par purteghi la valis
discutevu dl'impurtansa
ca pò veighi la distansa

"Al mè l ven da culli Franci"
"Oh, l mè l ven da culli Bielli !"
e ntant tra culli cianci,
i ciarchevu 'd fessi belli
par cul'ora tant sugna
dal seu om essi basàa

L'ha pruvà na delüsiun
da sti fumbri 'nveci üna
dal seu om che da Liun
l'è rivà al ciar dla lüna
"A l'è steuff, clu lassa stée
l'è gnanch bun più da basée"

"Dopu tanta astinensa
supurtàa cun grand unor
dèss ma scappa la passiensa
e i veui fée an pò l'amor
ma l mè om l'è sempri stracch
povra mi que clè chi facch !"

Ntal fratemp anca la crava
la vureva née dal bücc'
e la fumbra l'ha manala
ma anca 'l bucc' l'era an po'cücc'
e par fée al seu duver
l'ghera gnent da neghi 'nver

Culla fumbra vist aussì
ciappa 'i trent e giù trentai
n ciüma l bücc' tutt rafatì
e cun braggi spiritai
"Brutt plandrun d'un brutt plandrun
t veni anca ti da Liun ?"

Custi qui jin storji veggi
però l mund al cambia mai
ancò dess a tucca leggi
certi robi che i giurnai
fan passée par nuvità
virtù e vissji d tant temp fa....

Resti
Aristide Pitto
(Locarno)